Xalq deputatlari Oqoltin tumani Kengashi deputati O. Aliqulov hamda Kengash kotibiyati bosh mutaxassisi D. Shakarboyev tomonidan Shodlik mahallasida "Yashil makon" umummilliy loyihasi doirasida ekilgan ko'chatlarning holati va sug'orish tizimi o'rganildi.

O'rganish jarayonida hududda ko'chatlarni sug'orish tizimi yo'lga qo'yilgani hamda ular oqova suv orqali muntazam sug'orib borilayotgani aniqlandi. Shuningdek, ko'chatlarni parvarishlash va ularning to'liq ko'karishini ta'minlash yuzasidan amalga oshirilayotgan ishlar ko'zdan kechirildi.