Búgingi kún deputatı kabinetlerde emes, al xalıqtıń arasında, olardıń úylerinde hám júreklerinde bolıwı shárt. Sebebi, xalqımızdıń abatlıǵı hám abadanlıǵı - elimiz rawajlanıwınıń baslı maqseti bolıp tabıladı.
Xalıq deputatları Bozataw rayonlıq Keńesiniń 3-sanlı «Mádeniyat» saylaw okruginen (ÓzXDP) saylanǵan deputat G.Yusupova hám Keńes sekretariatı bas qánigesi Q.Aitmuratov penen birgelikte óz saylaw okriginde puqaralardıń jasaw sharayatları menen jaqınnan tanısıw hám olardıń mashqalaların tıńlaw maqsetinde úyme-úy júrip, ashıq sáwbetler ótkerdi.

Deputat hár bir shańaraqqa kirip, puqaralardıń tınıshlıǵı hám kúndelikli turmısta ushırasıp atırǵan mashqalaları menen qızıqsındı. Sáwbetlesiwler dawamında tómendegi máselelerge itibar qaratıldı:
Máhállelerdiń infrastrukturasın jaqsılaw (jollardıń jaǵdayı, kóshelerdi jaqtılandırıw) Xalıqtıń bántligin támiyinlew hám sociallıq járdemge mútáj shańaraqlardı qollap-quwatlaw boyınsha bir qatar múrájatlar aytıldı.

Deputat tárepinen úyme-úy júrip dápterine puqaralardıń mashqalaları jazıp alınıp tiyisli shólkemlerge deputatlıq sorawlar tayarlanıp,jiberiliwi belgilep alındı.