Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev tomonidan tumanning “Boyterak” mahallasi raisi bilan hududda amalga oshirilayotgan obodonlashtirish ishlari hamda jinoyatchilik va huquqbuzarliklarning oldini olish borasida olib borilayotgan chora-tadbirlar yuzasidan suhbat o‘tkazdi.

🔺Suhbat davomida mahalla hududida sanitariya va ozodalikni ta’minlash, ichki ko‘chalarni tartibga keltirish, ariq-zovurlarni tozalash, daraxt va gul ko‘chatlarini parvarishlash, ko‘kalamzorlashtirish ishlarini kengaytirish, chiqindilarni o‘z vaqtida olib chiqish hamda aholi ishtirokida o‘tkazilayotgan hasharlarning samaradorligi muhokama qilindi. Shuningdek, ijtimoiy obyektlar va ko‘p qavatli uylar atrofini obodonlashtirish, hududning ko‘rkam qiyofasini saqlash bo‘yicha amalga oshirilayotgan ishlar yuzasidan ma’lumotlar tinglandi.

🔺Uchrashuvda jamoat xavfsizligini ta’minlash, jinoyatchilik va huquqbuzarliklarning oldini olish, ayniqsa yoshlar o‘rtasida sodir etilishi mumkin bo‘lgan noxush holatlarni barvaqt profilaktika qilish, notinch oilalar bilan manzilli ishlash, ijtimoiy muhitni sog‘lomlashtirish hamda fuqarolarning huquqiy ongi va madaniyatini oshirishga qaratilgan chora-tadbirlar ham muhokama etildi.