💧 Aholi murojaati asosida deputatlik so‘rovi yuborildi

📍 Xalq deputatlari Sherobod tumani Kengashining 8-Mehnatobod saylov okrugi deputati S. Irisov tomonidan “Gulchinor” mahallasida navbatdagi deputatlik nazorati amalga oshirildi.

🌱 O‘rganish jarayonida mahalla hududida yer osti suvlari sathining ko‘tarilishi natijasida ayrim yer maydonlarida zax bosishi, sho‘rlanish holatlari kuzatilayotgani hamda ushbu holat fuqarolar uchun qator noqulayliklarni keltirib chiqarayotgani aniqlandi.

📄 Mazkur muammoni bartaraf etish, hududdagi mavjud zovur va drenaj tarmoqlarini tozalash ishlarini tashkil etish hamda yerlarning meliorativ holatini yaxshilash maqsadida Sherobod tuman Melioratsiya bo‘limiga deputatlik so‘rovi yuborildi.

🤝 Deputatlik so‘rovida masalani belgilangan tartibda ko‘rib chiqish, zarur amaliy choralarni ko‘rish hamda amalga oshirilgan ishlar yuzasidan tegishli ma’lumot taqdim etish so‘raldi.

✅ Xalq deputatlari Sherobod tuman Kengashi deputatlari tomonidan hududlarda aholi murojaatlarini o‘rganish, mavjud muammolarni aniqlash va ularning yechimi bo‘yicha tegishli tashkilotlar bilan hamkorlikda ish olib borish ishlari davom ettirilmoqda.