"Mahalla yettiligi" faoliyati joyiga chiqqan holda tahlil qilindi

🇺🇿 Xalq deputatlari Uchtepa tumani Kengashiga O'zLiDePdan saylangan “15-Izza” okrugi deputati Akbar Narziyev tomonidan Foziltepa mahallasida navbatdagi o‘rganish ishlari amalga oshirildi.

🗂 O‘rganish davomida O‘zbekiston Respublikasi Vazirlar Mahkamasining 209-son qarori ijrosi doirasida mahalla "yettiligi" faoliyati tanqidiy-tahliliy asosda ko‘rib chiqildi. Xususan, mahalla "yettiligi" tomonidan aholi murojaatlari bilan ishlash, ijtimoiy himoyaga muhtoj fuqarolarni qo‘llab-quvvatlash, bandlikni ta’minlash, jinoyatchilik va huquqbuzarliklarning oldini olish hamda hududni obodonlashtirish borasida amalga oshirilayotgan ishlar yuzasidan fikr almashildi.

🗣 Suhbat davomida mahalla faollari tomonidan hududdagi mavjud muammolar, ularni bartaraf etish yuzasidan amalga oshirilayotgan ishlar hamda kelgusidagi ustuvor vazifalar muhokama qilindi. Mahallada davlat dasturlari ijrosini samarali tashkil etish, "mahalla yettiligi" faoliyatini yanada kuchaytirish hamda aholi bilan ishlash tizimini takomillashtirish bo‘yicha tegishli tavsiyalar berildi.

💼 Mazkur o‘rganishda Xalq deputatlari Uchtepa tumani Kengashi raisi Jafar Ismanov, Kengash kotibiyati mudiri Anvar Usmanov hamda kotibiyat bosh mutaxassisi Umidbek Abilov ham ishtirok etdi.

🖋️ O‘rganish yakunida "mahalla yettiligi" faoliyati samaradorligini oshirish, fuqarolar murojaatlariga tezkor munosabat bildirish hamda mahalladagi dolzarb masalalarni tizimli hal etish yuzasidan tegishli vazifalar belgilandi.