Xalq deputatlari Jondor tumani Kengashi kotibiyati bosh mutaxassislari J.Norov va R.Murodovlar tomonidan Navgadi mahallasida aholiga o‘z vaqtida va sifatli tibbiy yordam ko‘rsatilishi holati joyiga chiqib o‘rganildi.
➡️O‘rganish jarayonida mahalla hududida faoliyat yuritayotgan tibbiyot xodimlarining aholiga birlamchi tibbiy xizmat ko‘rsatish, profilaktik tadbirlarni tashkil etish, surunkali kasalliklarga chalingan fuqarolar holidan muntazam xabar olish hamda patronaj xizmatlari samaradorligi yuzasidan monitoring olib borildi.
➡️Shuningdek, fuqarolar bilan muloqot qilinib, ularning tibbiy xizmatlardan foydalanish darajasi, mavjud muammo va takliflari tinglandi. Aniqlangan masalalar yuzasidan mas’ul tashkilotlar bilan hamkorlikda tegishli choralarni ko‘rish bo‘yicha tavsiyalar berildi.
➡️Mazkur o‘rganishdan ko‘zlangan asosiy maqsad aholining sifatli va o‘z vaqtida tibbiy xizmatlardan foydalanishini ta’minlash, tibbiyot muassasalari faoliyati samaradorligini yanada oshirish hamda fuqarolarning sog‘lig‘ini muhofaza qilish borasidagi ishlarni kuchaytirishdan iborat.