Xalq deputatlari Jondor tumani Kengashi kotibiyati bosh mutaxassislari J.Norov va R.Murodovlar tomonidan Navgadi mahallasi hududida amalga oshirilayotgan investitsiya loyihalarining borishi joyiga chiqqan holda o‘rganildi.
🔹O‘rganish davomida hududda investitsiya dasturlari doirasida olib borilayotgan qurilish va obodonlashtirish ishlarining holati, loyihalarning belgilangan muddatlarda va sifatli bajarilishi, shuningdek, yaratilayotgan yangi ish o‘rinlari hamda aholi uchun qulay shart-sharoitlarni ta’minlash masalalari tahlil qilindi.
🔹Mutasaddilar tomonidan mas’ul tashkilotlar va loyiha ijrochilari bilan suhbat o‘tkazilib, aniqlangan kamchiliklarni bartaraf etish, qurilish ishlari sifatini yanada oshirish hamda loyihalarni belgilangan reja asosida o‘z vaqtida yakunlash bo‘yicha tegishli tavsiyalar berildi.
🔹Bunday o‘rganishlar investitsiya loyihalarining samarali amalga oshirilishini ta’minlash, budjet mablag‘lari va investitsiya resurslaridan maqsadli foydalanish, shuningdek, aholi turmush farovonligini oshirishga xizmat qiladi.