Hududdagi muammo joyiga chiqib o‘rganildi

Xalq deputatlari Navoiy shahar Kengashi deputati Tasheva Shahnoza Azamatovna xizmat safarida bo‘lganligi munosabati bilan, tasdiqlangan grafik rejaga muvofiq Xalq deputatlari Navoiy shahar Kengashi kotibiyati bosh mutaxassisi M. Astanova tomonidan amalga oshirildi.

O‘rganish jarayonida Navoiy shahri Umid mahallasidagi I. Karimov ko‘chasida joylashgan hududda yo‘l chetidagi yirik daraxt ildiz qismi atrofida tuproqning o‘pirilgani hamda ariq qirg‘og‘ining yemirilishi oqibatida bordyur toshlari siljigani va piyodalar yo‘lagida yoriqlar hosil bo‘lgani aniqlandi.

Mazkur holat piyodalarning xavfsiz harakatlanishiga xavf tug‘dirishi, shuningdek, daraxtning barqarorligiga salbiy ta’sir ko‘rsatishi mumkinligi inobatga olinib, muammoni bartaraf etish yuzasidan tegishli mas’ul tashkilotlarga murojaat kiritildi.

Mas’ul tashkilotlarga ariq qirg‘og‘ini mustahkamlash, bordyur va piyodalar yo‘lagini ta’mirlash, shuningdek, daraxtning texnik holatini mutaxassislar ishtirokida ko‘rikdan o‘tkazish hamda zarur chora-tadbirlarni amalga oshirish bo‘yicha tegishli tavsiyalar berildi.

Mazkur masala deputatlik nazoratiga olinib, aniqlangan kamchiliklarni bartaraf etish yuzasidan tegishli tashkilotlar bilan hamkorlikda amaliy ishlar olib borilishi belgilandi.