Videokonferensaloqa (ZOOM) formatida tashkil etilgan seminarda Xalq deputatlari Marg‘ilon shahar Kengashi kotibiyati mudiri A.Ermatov, doimiy komissiyalar raislari hamda kotibiyat bosh mutaxassislari ishtirok etdilar.

Seminar davomida aholi murojaatlarini ko‘rib chiqish tizimini takomillashtirish, mahalliy Kengash sessiyalarida davlat organlari va tashkilotlari rahbarlarining murojaatlar bilan ishlash bo‘yicha hisobotlarini samarali tashkil etish, murojaatlar tahlili asosida hududlardagi dolzarb muammolarni aniqlash va ularning yechimini ta'minlash masalalari yuzasidan atroflicha fikr almashildi.

Shuningdek, deputatlik nazoratini kuchaytirish, fuqarolar murojaatlari bilan ishlashda ochiqlik, shaffoflik va natijadorlikni yanada oshirish bo‘yicha tavsiyalar berilib, kelgusidagi ustuvor vazifalar belgilab olindi.

Mazkur seminar mahalliy Kengashlar faoliyatida aholi murojaatlari bilan ishlash sifatini yanada oshirish hamda deputatlik nazoratining ta'sirchanligini kuchaytirishga xizmat qilishi bilan ahamiyatlidir.