Xalq deputatlari Shahrisabz tumani Kengashi deputati S.Abdunazarova, bosh mutaxassis S.Primov hamda ekspert guruhi vakillari ishtirokida tumandagi “Oqoltin” va “Qo‘shqanot” mahalla fuqarolar yig‘inlarida o‘rganishlar olib borildi.

Uchrashuv va muloqotlar davomida asosan quyidagi masalalarga e’tibor qaratildi:

🔹 Mahallalardagi yoshlar bandligini ta'minlash holati;

🔹 Ijtimoiy himoyaga muhtoj oilalarga ko‘rsatilayotgan moddiy va ma’naviy yordamlar unumdorligi;

🔹 Fuqarolarni qiynayotgan muammolarni joyida o‘rganish va ularga yechim topish.

Deputat va ekspertlar guruhi tomonidan aniqlangan masalalarni hal etish hamda ehtiyojmand oilalarni qo‘llab-quvvatlash tizimini yanada manzilli tashkil etish bo‘yicha tegishli choralar belgilandi.