Bugungi kunda Yangi O‘zbekiston taraqqiyotining eng katta tayanchi va ishonchli kuchi bo‘lgan yoshlarimizning ilm-fan, ta’lim, sport, madaniyat, tadbirkorlik hamda innovatsiyalar sohasida erishayotgan yutuqlari barchamizni quvontirmoqda.

Sizlarning yuksak salohiyatingiz, Vatanga sadoqatingiz va ezgu maqsadlar sari intilishingiz mamlakatimiz ravnaqining muhim omilidir.
Davlatimiz tomonidan yoshlarning zamonaviy bilim olishi, kasb-hunar egallashi, tadbirkorlik bilan shug‘ullanishi, o‘z iste’dod va qobiliyatini to‘liq namoyon etishi uchun keng imkoniyatlar yaratilmoqda.

Yunusobod tumanida ham yoshlarning bilim olishi, kasb-hunar egallashi, sport bilan shug‘ullanishi, ijtimoiy faolligini oshirishi hamda tashabbuslarini qo‘llab-quvvatlash borasida keng ko‘lamli ishlar amalga oshirilmoqda.

Aziz yoshlar!

Sizlarga mustahkam sog‘liq, baxt-saodat, ulkan marralar, o‘qish va mehnat faoliyatingizda yuksak muvaffaqiyatlar tilaymiz.

Yosh avlod — Yangi O‘zbekiston bunyodkori!
Sizlarga ishonamiz, sizlar bilan faxrlanamiz!

Xalq deputatlari Yunusobod tumani Kengashi

Bizni kuzatishda davom eting!