Xalq deputatlari Bekobod shahar kengashi deputati O‘zLiDeP a’zosi N.Uralova va kengash kotibiyati bosh mutaxassisi U.Abdunazarov Bobur mahallasidagi hokim yordamchilari tomonidan amalga oshirilayotgan ishlar samaradorligi, xususan aholini kambag‘allikdan chiqarish ishlari o‘rganildi. Bobur mahallasida jami aholi soni 2896 nafarni tashkil etadi. Aholini kambag‘allikdan chiqarish yo‘nalishida 3 nafar fuqaroga 66,0 mln.so‘mlik imtiyozli kreditlar ajratilgan. 50 dan ortq fuqarolar o‘zini o‘zi band qilish orqali turmush kechirish darajasini yaxshilashga erishdilar. 2 ta yangi tadbirkorlik subyektlari yaratildi, 6 nafar fuqarolar qayta kasbga o‘qitildi. O‘rganish yakunida faoliyat samaradorligini oshirish yuzasidan tavsiyalar berildi.