Xalq deputatlari Pastdarg‘om tuman Kengashi deputati N.Eliboyev tomonidan saylov okrugidagi nogironligi bo‘lgan fuqarolar xonadonlariga tashrif buyurilib, ularning yashash sharoitlari hamda ijtimoiy ahvoli o‘rganildi.

Tashrif davomida fuqarolarning kundalik hayoti, tibbiy va ijtimoiy xizmatlardan foydalanish imkoniyatlari, mavjud muammolari va ehtiyojlari yuzasidan suhbatlar o‘tkazildi.

Bildirilgan murojaatlar va takliflar asosida masalalarni tegishli tashkilotlar bilan hamkorlikda hal etish, zarur amaliy yordam ko‘rsatish hamda mavjud muammolarga yechim topish bo‘yicha tegishli choralar belgilandi.

Deputat tomonidan fuqarolar bilan bevosita muloqot qilish, ularning dardini tinglash va muammolarini hal etishga ko‘maklashish deputatlik faoliyatining ustuvor yo‘nalishlaridan biri ekani qayd etildi.

🏛 Aholining ehtiyojmand qatlamlarini qo‘llab-quvvatlash, ijtimoiy himoyasini kuchaytirishga qaratilgan ishlar davom etmoqda.