📍 Xotin-qizlar murojaatlari o‘rganilib, individual suhbatlar o‘tkazildi

👥 Xalq deputatlari Sherobod tumani Kengashi 13-Qo‘shtegirmon saylov okrugi deputati N. Saidova tomonidan Oila va xotin-qizlar bo‘limi boshlig‘i G. Aminova bilan hamkorlikda xotin-qizlar bilan individual suhbatlar o‘tkazildi.

👥 Suhbatlar davomida xotin-qizlarning murojaatlari tinglanib, ularni qiynayotgan ijtimoiy, huquqiy hamda oilaviy masalalar atroflicha o‘rganildi. Bildirilgan murojaatlar yuzasidan tegishli tavsiyalar berilib, mavjud muammolarni ijobiy hal etish hamda zarur amaliy yordam ko‘rsatish choralari belgilandi.

🤝 Shuningdek, xotin-qizlarning huquq va qonuniy manfaatlarini ta'minlash, ularning bandligini qo‘llab-quvvatlash, ijtimoiy himoyaga muhtoj oilalarni qo‘llab-quvvatlash hamda murojaatlarni o‘z vaqtida hal etish masalalariga alohida e'tibor qaratildi.

📖 Uchrashuv davomida O‘zbekiston Respublikasining "Fuqarolarning davlat pensiya ta'minoti to‘g‘risida"gi Qonuniga pensiya tayinlash tartibini takomillashtirishga qaratilgan o‘zgartish va qo‘shimchalar kiritish haqidagi O‘RQ–795-son Qonunning mazmun-mohiyati keng tushuntirildi. Pensiya tayinlash tartibidagi yangiliklar, fuqarolarning huquqlari va qonunchilikda belgilangan imkoniyatlar yuzasidan batafsil huquqiy tushuntirishlar berilib, ishtirokchilarning savollariga javob qaytarildi.

✅ Bunday uchrashuvlar aholi bilan ochiq muloqotni kuchaytirish, xotin-qizlarning murojaatlarini o‘z vaqtida o‘rganish hamda ularning muammolarini joyida hal etishga xizmat qilmoqda.