Xalq deputatlari Pastdarg‘om tuman Kengashi deputati D. To‘ychiyeva tomonidan o‘z saylov okrugi hududidagi Yangiqishloq mahallasi raisi faoliyati o‘rganildi.

O‘rganish jarayonida mahallada aholi murojaatlari bilan ishlash, ijtimoiy himoyaga muhtoj oilalarni qo‘llab-quvvatlash, obodonlashtirish ishlari, yoshlar va xotin-qizlar bilan olib borilayotgan ishlar hamda mahalla yettiligi faoliyatining samaradorligiga alohida e’tibor qaratildi.

Shuningdek, mavjud muammolar va ularni bartaraf etish yuzasidan mas’ullar bilan fikr almashilib, tegishli tavsiya va takliflar bildirildi.

Deputat tomonidan mahallalarda olib borilayotgan ishlarni muntazam o‘rganish, aholini qiynayotgan masalalarni aniqlash va ularning yechimiga ko‘maklashish bo‘yicha ishlar davom ettirilmoqda.