Xalq deputatlari Pastdarg‘om tuman Kengashi deputati M. Oltibayeva tomonidan mahallada istiqomat qiluvchi xotin-qizlar bilan uchrashuv va ochiq muloqot tashkil etildi.

Suhbat davomida xotin-qizlarni qiynab kelayotgan ijtimoiy, iqtisodiy va oilaviy masalalar tinglanib, ularning murojaatlari atroflicha o‘rganildi.

Shuningdek, bandlikni ta’minlash, tadbirkorlik faoliyatini yo‘lga qo‘yish, huquqiy himoya, salomatlik va farzandlar tarbiyasiga oid masalalar yuzasidan kerakli maslahat va tushuntirishlar berildi.

Uchrashuvda har bir murojaatga alohida yondashilib, muammolarni hal etish bo‘yicha tegishli tashkilotlar bilan hamkorlikda amaliy choralar ko‘rish belgilandi.

Bunday muloqotlar xotin-qizlarning huquq va manfaatlarini himoya qilish, ularning jamiyatdagi faolligini oshirish hamda mavjud muammolarga yechim topishda muhim ahamiyat kasb etadi.