Xalq deputatlari Ishtixon tuman Kengashi kotibiyati mudiri N.Kiyamov hamda tuman Kengashi deputati M.Raximov Mohpar mahallasida hududdagi kriminogen vaziyat, jinoyatchilikka qarshi kurashish hamda huquqbuzarliklarning oldini olish borasida amalga oshirilayotgan ishlar bilan tanishdi.

O‘rganish davomida mahallada jinoyat va huquqbuzarliklarning kelib chiqish sabablarini bartaraf etish, fuqarolar, ayniqsa yoshlar va uyushmagan aholi qatlamlari bilan profilaktik ishlash, ijtimoiy muammolarni o‘z vaqtida aniqlash hamda manzilli choralar ko‘rish masalalari tahlil qilindi.

Shuningdek, profilaktika inspektori va mahalla faollari tomonidan jinoyatchilikning barvaqt oldini olish, notinch va muammoli oilalar bilan ishlash, fuqarolarning huquqiy madaniyatini yuksaltirish hamda mahallada xavfsiz muhitni ta’minlash yuzasidan olib borilayotgan ishlar muhokama qilindi.

Ta’kidlanganidek, jinoyatchilikka qarshi kurashishda mahalla, huquqni muhofaza qiluvchi organlar va jamoatchilikning hamkorligi muhim ahamiyat kasb etadi. Bu boradagi tizimli ishlar hududda tinchlik-osoyishtalikni mustahkamlash va fuqarolarning xavfsizligini ta’minlashga xizmat qiladi.

✅ O‘rganish yakunida jinoyatchilikning oldini olish, mavjud muammolarni bartaraf etish hamda profilaktik tadbirlar samaradorligini yanada oshirish bo‘yicha tegishli tavsiyalar berildi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram