Xalq deputatlari Ishtixon tuman Kengashi raisi Z.Naxalov, Ishtixon tumani hokimi o‘rinbosari – tuman Obodonlashtirish boshqarmasi boshlig‘i S.Ochilov bilan birgalikda Qayirma va Bog‘ixon mahallalari hududidan o‘tuvchi suv uzatish kanalida amalga oshirilayotgan betonlashtirish ishlari bilan tanishdi.

O‘rganish jarayonida qurilish-montaj ishlarining borishi, bajarilayotgan ishlarning sifati hamda belgilangan muddatlarga rioya etilishi masalalariga alohida e’tibor qaratildi.

Mazkur loyiha suv resurslaridan samarali foydalanish, sug‘orish tizimi faoliyatini yaxshilash, suv yo‘qotilishining oldini olish hamda qishloq xo‘jaligi ekinlarini suv bilan barqaror ta’minlashga xizmat qiladi. Kanalning betonlashtirilishi natijasida suv o‘tkazish quvvati oshib, hududdagi dehqon va fermerlar uchun yanada qulay sharoit yaratiladi.

Shuningdek, mas’ullar bilan amalga oshirilayotgan ishlarning samaradorligi, mavjud muammolar va ularni bartaraf etish bo‘yicha zarur chora-tadbirlar muhokama qilindi.

✅ Hudud infratuzilmasini yaxshilash va suv xo‘jaligi obyektlarini modernizatsiya qilishga qaratilgan ishlar izchil davom ettirilmoqda.

Bizni ijtimoiy tarmoqlarda kuzating:
Telegramm | Web-sayt | Facebook | Instagram