O‘rganishlar davomida Inson ijtimoiy xizmatlar markazi direktori N.Jalaliddinovning mahallalarda ehtiyojmand oilalar bo‘yicha ijtimoiy daftarlar asosida amalga oshirilayotgan ishlar to‘g‘risidagi hisoboti atroflicha tahlil qilindi.

Deputatlar mahallalardagi ijtimoiy holatni o‘rganib, ehtiyojmand oilalarga ko‘rsatilayotgan ijtimoiy xizmatlar, ularning muammolarini hal etish bo‘yicha amalga oshirilayotgan chora-tadbirlar hamda ijtimoiy daftarlar bilan ishlash tizimining samaradorligi bilan tanishdilar.

Shuningdek, mahalla faollari, ijtimoiy xodimlar va mas’ullar bilan muloqotlar o‘tkazilib, mavjud muammo va takliflar yuzasidan fikr almashildi.

O‘rganishlar yakunlari bo‘yicha aniqlangan holatlar hamda bildirilgan takliflar umumlashtirilib, masalani sessiyada muhokama qilish uchun tegishli xulosalar tayyorlanmoqda.

Joylarda o‘tkazilayotgan o‘rganishlar deputatlik nazoratining muhim shakli bo‘lib, aholi manfaatlarini ta’minlash va ijtimoiy muhofaza tizimi samaradorligini oshirishga xizmat qiladi.