Xalq deputatlari Ishtixon tuman Kengashi raisi Z.Naxalov o‘z saylov okrugi hududidagi Qayirma mahallasida mahallaga biriktirilgan soliq inspektori tomonidan amalga oshirilayotgan ishlar holati bilan yaqindan tanishdi.

O‘rganish jarayonida jismoniy shaxslar tomonidan mol-mulk va yer soliqlarini to‘lash ko‘rsatkichlari, soliq qarzdorligining yuzaga kelish sabablari hamda soliq to‘lovchilar bilan olib borilayotgan tushuntirish va targ‘ibot ishlari tahlil qilindi.

Shuningdek, fuqarolarning soliqlarni o‘z vaqtida to‘lash madaniyatini shakllantirish, mavjud qarzdorliklarni qisqartirish hamda mahalla hududida soliq tushumlarini oshirish bo‘yicha amalga oshirilayotgan chora-tadbirlar muhokama qilindi.

O‘rganish yakunida mas’ullarga soliq to‘lovchilarga qulaylik yaratish, ularning murojaatlarini o‘z vaqtida ko‘rib chiqish hamda soliqlarni o‘z muddatida to‘lashning ahamiyati yuzasidan tushuntirish ishlarini yanada kuchaytirish bo‘yicha tegishli tavsiyalar berildi.

✅ Mahallada soliq intizomini mustahkamlash va tushumlar samaradorligini oshirish borasidagi ishlar izchil davom ettirilmoqda.

Bizni ijtimoiy tarmoqlarda kuzating:
Telegramm | Web-sayt | Facebook | Instagram