Xalq deputatlari Tuproqqal’a tumani Kengashi deputati Akbar Bekchanov tomonidan aholi murojaatlari asosida Yangi zamin mahallasida o‘rganish ishlari olib borildi.

O‘rganish davomida Zamin ko‘chasida yashovchi fuqarolarning qo‘shimcha tomorqa sug‘orish uchun ariq qazishda amaliy yordam ko‘rsatish yuzasidan bildirgan murojaati ko‘rib chiqildi.

Mazkur masala yuzasidan tegishli tashkilotga deputatlik so‘rovi kiritilib, aholi murojaatini belgilangan tartibda ko‘rib chiqish va muammoni bartaraf etish choralari belgilandi.

Deputatlar faoliyatining asosiy yo‘nalishlaridan biri — fuqarolar murojaatlarini o‘rganish, muammolarni joyida hal etishga ko‘maklashish va aholi manfaatlarini himoya qilishdan iborat.