Xalq deputatlari Tuproqqal’a tuman Kengashi deputati Zafarbek Davlatov Pastom mahallasida fuqarolar qabulini o‘tkazdi.

Qabul davomida aholi tomonidan bildirilgan murojaatlar, taklif va muammolar tinglanib, ularning yechimi yuzasidan fikr almashildi. Fuqarolarni qiynayotgan masalalarni o‘rganish, tegishli tashkilotlar bilan hamkorlikda hal etish bo‘yicha zarur choralar belgilandi.

Deputat tomonidan mahalla hududida aholi bilan doimiy muloqotni yo‘lga qo‘yish, fuqarolar manfaatlarini himoya qilish va murojaatlarning amaliy yechimini ta’minlash borasidagi ishlar davom ettirilishi ta’kidlandi.