Kunduzgi parvarish markazi faoliyati o‘rganildi

🇺🇿 Oliy Majlis Qonunchilik palatasi deputati Durbek Axmedov hamda xalq deputatlari Uchtepa tumani Kengashi kotibiyati mudiri Anvar Usmanovlar Uchtepa tumanidagi Bog‘obod mahallasida davlat-xususiy sheriklik asosida tashkil etilgan nogironligi bo‘lgan bolalar uchun Kunduzgi parvarish markazi faoliyatini o‘rgandi.

🗂 Mazkur markaz O‘zbekiston Respublikasi Vazirlar Mahkamasining 2025-yil 27-fevraldagi “Nogironligi bo‘lgan bolalar uchun kunduzgi parvarish xizmatini tashkil etish chora-tadbirlari to‘g‘risida”gi 126-son qarori asosida tashkil etilgan bo‘lib, 3 yoshdan 18 yoshgacha bo‘lgan nogironligi bo‘lgan bolalarga xizmat ko‘rsatmoqda.

📇 O‘rganish davomida markazda yaratilgan sharoitlar, bolalarning ijtimoiy moslashuvi, kundalik hayot ko‘nikmalarini rivojlantirish, psixologik-pedagogik va reabilitatsion xizmatlar ko‘rsatish jarayonlari bilan tanishildi. Hozirda markazga 11 nafar nogironligi bo‘lgan bola jalb qilingan.

🕯 Yakunda markaz faoliyatini yanada takomillashtirish, bolalar va ularning ota-onalarini qo‘llab-quvvatlash bo‘yicha fikr-mulohazalar almashildi.