Xalq deputatlari Nurobod tumani Kengashi deputati B.Suyunov tomonidan tuman Kengashining navbatdagi sessiyasi kun tartibiga kiritilishi rejalashtirilgan masalalar yuzasidan o‘rganish ishlari olib borilmoqda.

✅Shu munosabat bilan deputat tumandagi Jom mahallasi, Dukur qishlog‘ida joylashgan 14-sonli Oilaviy poliklinikada bo‘lib, muassasaning bugungi faoliyati, aholiga ko‘rsatilayotgan birlamchi tibbiy xizmat sifati, tibbiyot muassasasining moddiy-texnik bazasi hamda mavjud muammolarni o‘rgandi.

✔️O‘rganish davomida poliklinikada fuqarolarga tibbiy xizmat ko‘rsatish jarayonlari, dori-darmonlar ta’minoti, tibbiy xodimlar uchun yaratilgan shart-sharoitlar, tibbiy asbob-uskunalarning holati va aholining tibbiy xizmatlardan foydalanish darajasi yuzasidan mas’ullar bilan suhbatlar o‘tkazildi.

➡️Shuningdek, tibbiyot muassasasida mavjud ayrim muammolar, jumladan, moddiy-texnik bazani yanada mustahkamlash, aholiga sifatli va tezkor tibbiy xizmat ko‘rsatishni takomillashtirish hamda tibbiyot xodimlari uchun qulay mehnat sharoitlarini yaratish bo‘yicha takliflar muhokama qilindi.

➡️Deputat tomonidan o‘rganish yakunlari yuzasidan aniqlangan masalalarni tegishli tartibda xalq deputatlari Nurobod tumani Kengashining navbatdagi sessiyasi muhokamasiga kiritish hamda mutasaddi tashkilotlar bilan hamkorlikda mavjud muammolarni bartaraf etish yuzasidan tegishli choralar ko‘rilishi belgilandi.

➡️Mazkur o‘rganishlar aholini sifatli tibbiy xizmat bilan ta’minlash, birlamchi tibbiy bo‘g‘in faoliyati samaradorligini oshirish va hududlarda mavjud muammolarni tizimli hal etishga xizmat qiladi.