Yangi qabul qilingan qonunlar mazmun-mohiyati tushuntirildi

Xalq deputatlari Termiz tuman Kengashi deputati G. Shafoatova fuqarolar murojaatlari asosida tuman Suv ta’minoti hamda Gaz ta’minoti bo‘limlari mas’ullari ishtirokida yig‘ilish o‘tkazdi.

Yig‘ilish davomida yangi qabul qilingan qonunlarning mazmun-mohiyati, ularning amaliy ahamiyati va fuqarolar uchun yaratilayotgan imkoniyatlar muhokama qilindi. Deputat tomonidan qonun hujjatlarining mazmunini aholi o‘rtasida keng targ‘ib qilish, fuqarolarga sodda va tushunarli tarzda yetkazish muhimligi alohida ta’kidlandi.

Shuningdek, mutasaddilarga qonunchilikdagi yangiliklarni aholiga yetkazishda hamkorlikni kuchaytirish, fuqarolar murojaatlariga o‘z vaqtida va sifatli javob qaytarish yuzasidan tegishli tavsiyalar berildi. Yig‘ilish yakunida qonunlarning mazmun-mohiyatini keng jamoatchilikka tushuntirish bo‘yicha kelgusidagi vazifalar belgilab olindi.