Xalq deputatlari Andijon shahar Kengashi deputatlari tomonidan aholi murojaatlari va mahallalardagi mavjud muammolarni o‘rganish ishlari muntazam ravishda olib borilmoqda.

Jumladan, Andijon shahridagi “Mustaqillikning 21 yilligi” mahalla fuqarolar yig‘ini nuroniylari hamda mahalla faollari tomonidan mahalla hududidagi ta’mirtalab holga kelgan 2 km ichki yo‘llarni asfalt qoplamasi bilan ta’mirlash masalasida murojaat kelib tushdi.

Mazkur murojaat asosida mutasaddi tashkilotlarga deputat so‘rovi yuborilib, amaldagi qonunchilik talablariga muvofiq ichki yo‘llarni ta’mirlash dasturlari doirasida ushbu yo‘llarni ta’mirlash choralarini ko‘rish hamda natijalari bo‘yicha belgilangan muddatlarda yozma axborot taqdim etish so‘raldi.

Aholining turmush sharoitini yaxshilash, mahallalarda mavjud muammolarni bartaraf etish borasidagi ishlar deputatlik nazoratida davom etadi.