2026-yil 22-iyun kuni Xalq deputatlari Andijon shahar Kengashi 11-Guliston saylov okrugi hududidagi “Ishchilar” mahallasi aholisi muammolari o‘rganildi.

O‘rganish davomida “Ishchilar” MFY, Paxtaobod ko‘chasi 2-uyda yashovchi To‘xtaxon Mahmudovaning xonadoniga tashrif buyurilib, yashash sharoiti bilan tanishildi. Aniqlanishicha, fuqaro 2-guruh nogironi bo‘lgan farzandi bilan birga istiqomat qilib kelmoqda hamda hovli joyining kadastr hujjatlarini rasmiylashtirishda amaliy yordam so‘rab murojaat qilgan.

Mazkur holat yuzasidan Davlat kadastrlari palatasi Andijon shahar filialiga fuqaroning murojaatini uning ishtirokida o‘rganib chiqish, belgilangan tartibda kadastr hujjatlarini ko‘rib chiqish va amaliy yordam ko‘rsatish choralarini ko‘rish yuzasidan deputat so‘rovi yuborildi.

Shuningdek, amalga oshirilgan ishlar natijalari bo‘yicha 10 kun muddat ichida yozma ravishda javob xati taqdim etish so‘raldi.

Aholi murojaatlari va ijtimoiy muammolar deputatlik nazoratida.