Xalq deputatlari Andijon shahar Kengashi deputati, Andijon viloyat “Kelajak” markazi direktori Fayzullo Dadajonov ishtirokida o‘quvchi yoshlar bilan ochiq muloqot tashkil etildi.

Uchrashuv davomida yoshlar zamonaviy kasb-hunarlar, tadbirkorlik faoliyatini yo‘lga qo‘yish imkoniyatlari, innovatsion loyihalar hamda mehnat bozorida talab yuqori bo‘lgan istiqbolli yo‘nalishlar haqida batafsil ma’lumotlarga ega bo‘ldilar.

Shuningdek, ishtirokchilar o‘zlarini qiziqtirgan savollarga mutaxassisdan bevosita javob olib, shaxsiy rivojlanish, kasbiy faoliyatni rejalashtirish hamda kelajakdagi maqsadlarini belgilash bo‘yicha muhim tavsiyalar oldilar.

Ochiq muloqot yoshlarning bilim va ko‘nikmalarini oshirish, zamonaviy kasblarga qiziqishini kuchaytirish hamda kelajakka bo‘lgan ishonchini mustahkamlashga xizmat qildi.

Yoshlar kelajagi — Yangi O‘zbekiston taraqqiyotining poydevoridir!