Xalq deputatlari Andijon shahar Kengashi kotibiyati mudiri B.Mo‘ydinov, deputatlar A.Appaqov va G.Ismoilova hamda kotibiyat bosh mutaxassisi Sh.Yusupov Z.M. Bobur nomidagi Andijon viloyat axborot-kutubxona markazida bo‘lib, uning faoliyati bilan tanishdilar.

1907-yilda tashkil topgan markaz bugungi kunda 900 mingdan ortiq kitob fondiga ega bo‘lib, viloyat aholisiga zamonaviy axborot-kutubxona xizmatlarini ko‘rsatib kelmoqda.

Tashrif davomida qo‘shni respublikadan kelgan mehmonlar ishtirokidagi kitobxonlik tadbirida ham qatnashilib, kitob mutolaasi va ma’rifatning ahamiyati yuzasidan fikr almashildi.

Kutubxonada kitobxonlarning bilim olishi, qiziqishlarini rivojlantirishi va mazmunli hordiq chiqarishi uchun yaratilgan sharoitlar e’tirof etildi.

Kitob — ma’naviyat va taraqqiyot manbai!