Xalq deputatlari Yashnobod tumani Kengashi deputati S.Suvonqulov tomonidan Parvoz mahallasida aholi bilan navbatdagi uchrashuv o‘tkazildi.

📌Uchrashuv davomida fuqarolarning yashash sharoitlari o‘rganilib, bir qator xonadonlarga kirib borildi. Xususan, ayrim aholi murojaatlari asosida uylarning tom qismidagi muammolar ko‘zdan kechirilib, yog‘ingarchilik vaqtida tomdan suv o‘tishi holatlari joyida o‘rganildi.

✅Mavjud muammolarni bartaraf etish yuzasidan mas’ul tashkilotlar bilan hamkorlikda tegishli chora-tadbirlar belgilab olindi. Deputat tomonidan har bir murojaat nazoratga olinib, ularning ijrosini ta’minlash bo‘yicha amaliy ishlar olib borilishi ta’kidlandi.

📌 Fuqarolar bilan doimiy muloqot qilish, ularni qiynayotgan masalalarni joyida o‘rganish va hal etish deputatlik faoliyatining muhim yo‘nalishlaridan biri hisoblanadi.