Ijtimoiy xodim faoliyati

Xalq deputatlari Angor tumani Kengashining 19-Farovon saylov okrugi deputati Mamatmirzayeva Raxima tomonidan Farovon mahallasida faoliyat yuritayotgan ijtimoiy xodim Madina Jo‘rayevaning ish faoliyati o‘rganildi.O‘rganish jarayonida mahalladagi ehtiyojmand oilalar, nogironligi bo‘lgan fuqarolar, yolg‘iz keksalar hamda ijtimoiy himoyaga muhtoj aholi qatlamlarini qo‘llab-quvvatlash borasida amalga oshirilayotgan ishlar tahlil qilindi. Shuningdek, fuqarolarning murojaatlarini o‘z vaqtida ko‘rib chiqish, ularga amaliy yordam ko‘rsatish hamda ijtimoiy xizmatlarning manzilliligini ta’minlash masalalariga alohida e’tibor qaratildi.

Deputat tomonidan ijtimoiy xodim faoliyatining samaradorligini yanada oshirish, aholining ijtimoiy muammolarini tizimli hal etish va davlat tomonidan berilayotgan imkoniyatlardan fuqarolarning to‘liq foydalanishini ta’minlash yuzasidan tegishli tavsiya va takliflar bildirildi.

Mazkur o‘rganishlar mahallalarda ijtimoiy himoya tizimini yanada takomillashtirish, aholining turmush farovonligini oshirish hamda fuqarolar bilan ishlash samaradorligini kuchaytirishga xizmat qiladi.