Xalıq deputatları Bozataw rayonlıq Keńesi 8-sanlı «Erkindarya» saylaw okrugi deputatı J.Jumanazarov tárepinen alıp barılǵan deputatlıq úyreniwler dawamında «Erkindarya» suw jetkerip beriw stanciyası (EKOS) islemey qalǵanlıǵı anıqlandı. 

Nátijede 275 xojalıq taza ishimlik suwı menen támiyinlenbey qalǵan bolıp, aymaq turǵınlarına qıyınshılıqlar tuwdırmaqta. 

Anıqlanǵan mashqalanı tez arada sheshiw, stanciyanı qayta iske qosıw hám awıl turǵınların úzliksiz ishimlik suwı menen támiyinlew maqsetinde “Qaraqalpaq suw támiynatı” Akcionerlik jámiyeti Bozataw rayonı filialı baslıǵı M.Baltabaevqa deputat sorawı jiberildi.