Xalq deputatlari Surxondaryo viloyati Kengashining mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi oldidan mazkur masala deputatlar tomonidan atroflicha o‘rganildi.

Jumladan, “O‘zbekiston Temir yo‘llari” aksiyadorlik jamiyati tomonidan 8 ta tezyurar elektropoyezd xarid qilish loyiha konsepsiyasi yuzasidan deputatlar Dilbar Suvonova, Gulbahor Tangirova hamda viloyat Kengashi kotibiyati mudiri Sherpo‘lat Boyqulov tomonidan joyiga chiqib o‘rganish ishlari olib borildi.

Mazkur yondashuv masalani chuqur tahlil qilish, uning amaliy jihatlarini baholash hamda asosli xulosalar ishlab chiqishda muhim ahamiyat kasb etdi. Deputatlar tomonidan loyihaning hudud uchun ahamiyati, kutilayotgan natijalari va istiqbollari atroflicha ko‘rib chiqildi.
Ta’kidlash joizki, masalaning doimiy komissiya yig‘ilishidan oldin joyiga chiqib o‘rganilgani qaror qabul qilish jarayonining samaradorligini yanada oshirishga xizmat qiladi.