ФУҚАРОЛАР МУРОЖААТЛАРИ ЭЪТИБОР МАРКАЗИДА
ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ котибияти мудири Эргашева Мунисхон Рустамбековна томонидан фуқаролар қабули ўтказилиб, аҳоли мурожаатлари тингланди.
Қабул давомида фуқаролар томонидан ижтимоий соҳалар, коммунал хизматлар, инфратузилма, бандлик ва бошқа масалалар юзасидан билдирилган мурожаатлар атрофлича ўрганилди.
Ҳар бир мурожаат бўйича масъул ташкилотлар иштирокида тегишли тушунтиришлар берилди ҳамда қонун доирасида ҳал этилиши лозим бўлган масалалар назоратга олинди. Шунингдек, айрим мурожаатлар юзасидан масъулларга аниқ вазифа ва топшириқлар берилди.
Фуқароларнинг мурожаатларини ўз вақтида кўриб чиқиш, уларнинг муаммоларини ҳал этиш ҳамда аҳоли билан очиқ мулоқотни таъминлаш борасидаги ишлар изчил давом эттирилмоқда.