🏛 Qonun ijrosi o‘rganildi
Xalq deputatlari Qo‘shko‘pir tuman Kengashi deputati M. Artikova hamda tuman Adliya bo‘limi xodimi Farruxbek Rajabov hamkorligida Xosiyon mahallasida O‘zbekiston Respublikasining 2019-yil 2-sentabrdagi O‘RQ-562-sonli “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni ijrosi yuzasidan o‘rganish ishlari olib borildi.
Tadbir davomida “Ayollar daftari”ning 7-bosqichi 5-bo‘limiga kiritilgan, huquqiy yordamga muhtoj va ehtiyojmand xotin-qizlar bilan uchrashuv o‘tkazildi. Uchrashuvda xotin-qizlarning huquq va manfaatlarini himoya qilish, gender tengligini ta’minlash, oilaviy munosabatlar, nikohdan ajralish, aliment undirish, mehnat va ijtimoiy himoya masalalari bo‘yicha amaldagi qonunchilik normalari keng tushuntirildi.
Shuningdek, ishtirokchilarga huquqiy muammolarni qonuniy hal etish mexanizmlari yuzasidan batafsil maslahatlar berilib, ularni qiynab kelayotgan masalalar yuzasidan murojaatlari tinglandi.
Instagram | Face book | You Tube