ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИнинг доимий комиссиялари йиғилишлари бўлиб ўтмоқда.
Йиғилишда Ўзбекистон Маҳаллалар уюшмаси Янгиқўрғон туман бўлими бошлиғи К. Усмановнинг “Маҳалла еттилиги” фаолияти юзасидан 2026 йилнинг 5 ойлик якунлари бўйича Халқ депутатлари Янгиқўрғон туман Кенгаши сессиясида тақдим этиладиган ҳисоботи эшитилди.
Ҳисоботда маҳаллаларда аҳоли мурожаатлари билан ишлаш, ижтимоий ҳимоя, аҳоли бандлигини таъминлаш, хотин-қизлар ва ёшлар билан ишлаш, ҳуқуқбузарликлар профилактикаси, миграция жараёнларини назорат қилиш ҳамда маҳаллалардаги ижтимоий-маънавий муҳитни яхшилаш борасида амалга оширилган ишлар юзасидан маълумотлар берилди.
Шунингдек, “қизил” ва “сариқ” тоифадаги маҳаллаларда жиноятчиликнинг олдини олиш, аҳоли бандлигини таъминлаш, оилавий ажримларни камайтириш ва маҳалла еттилиги аъзолари фаолияти самарадорлигини янада ошириш бўйича амалга оширилиши лозим бўлган вазифалар муҳокама қилинди.
Муҳокамалар давомида доимий комиссия аъзолари томонидан ҳисобот юзасидан фикр ва таклифлар билдирилиб, аниқланган камчиликларни бартараф этиш ҳамда белгиланган вазифалар ижросини таъминлаш бўйича тегишли тавсиялар берилди.
Йиғилиш якунида мазкур масалани Халқ депутатлари Янгиқўрғон туман Кенгашининг навбатдаги сессияси муҳокамасига киритиш юзасидан тегишли қарор қабул қилинди.