Muzey laboratoriyasi mutaxassislari tomonidan universitetning tashkil topish tarixi, turli davrlarda faoliyat yuritgan rahbarlar, professor-o‘qituvchilar hamda ilm-fan rivojiga ulkan hissa qo‘shgan olimlar haqida batafsil ma’lumot berildi.

Shuningdek, universitetda faoliyat olib borgan taniqli akademiklar, professorlar va ustozlarning ilmiy merosi, ularning respublika va xalqaro miqyosdagi yutuqlari yuzasidan fikr almashildi.

Muzey fondida saqlanayotgan tarixiy hujjatlar, qo‘lyozmalar, fotosuratlar hamda universitet hayotiga oid eksponatlar deputatda katta taassurot qoldirdi.

Uchrashuv davomida yosh avlodni milliy qadriyatlar ruhida tarbiyalash, tarixiy merosni asrab-avaylash, buyuk allomalar va ustozlarning ilmiy faoliyatini keng targ‘ib etish masalalariga alohida e’tibor qaratildi.

Deputat ilm-fan va ta’lim rivojiga munosib hissa qo‘shayotgan professor-o‘qituvchilar hamda muzey laboratoriyasi jamoasining faoliyatini yuqori baholab, kelgusida ham bu yo‘nalishdagi tashabbuslarni qo‘llab-quvvatlashini ta’kidladi.

🇺🇿 Tarixni bilgan avlodning kelajagi porloq bo‘ladi. Ajdodlar merosini o‘rganish va uni yoshlar ongiga singdirish bugungi kunning muhim vazifalaridan biridir.