NAVBATDAGI FUQAROLAR QABULI O‘TKAZILDI
Xalq deputatlari Quva tuman Kengashi deputati, Quva tumani hokimi X.Umarov
tomonidan Kengash kotibiyati mudiri R.Nodirov hamda tuman prokurori S.Aminjonov
ishtirokida navbatdagi fuqarolar qabuli o‘tkazildi.

Qabul davomida fuqarolar tomonidan ijtimoiy himoya, bandlik, kommunal
xizmatlar, yer va mulk munosabatlari, infratuzilmani yaxshilash hamda boshqa
dolzarb masalalar yuzasidan murojaatlar bildirildi. Har bir
murojaat atroflicha o‘rganilib, mas’ul tashkilot va idoralar rahbarlariga
tegishli topshiriqlar berildi.

Shuningdek, ayrim masalalar joyida hal etilgan bo‘lsa, qo‘shimcha o‘rganish
talab etiladigan murojaatlar ijrosini ta’minlash yuzasidan mutasaddi
tashkilotlarga aniq vazifalar yuklatildi. Qabul jarayonida aholi bilan ochiq
muloqot qilinib, fuqarolarni qiynayotgan muammolarni bartaraf etish hamda
ularning qonuniy manfaatlarini ta’minlashga alohida e’tibor qaratildi.