15-Эскиқўрғон сайлов округидан сайланган депутат Халилжон Тошпўлатович Сотиболдиев ҳамда туман Кенгаши котибяти бош мутахассислари И.Юсупов, А.Отажоновлар билан биргаликда "Ёлғизбоғ" маҳалласида бўлиб, маҳалла хотин-қизлар фаоли томонидан амалга оширилаётган ишларнинг самарадорлиги билан яқиндан танишди.

Ўрганишлар давомида тизимли ва мақсадли ишлар ўз натижасини бераётганлиги аён бўлди.
Бу йил маҳалладаги 28 нафар ишсиз хотин-қизлар "Аёллар дафтари"га киритилиб, тасдиқланган режа асосида уларнинг бандлиги тўлиқ таъминланган. Энг қувонарлиси шундаки, маҳаллада ажрим ёқасига келиб қолган оилалар билан вақтида ва манзилли ишланилганлиги сабабли, бугунги кунда "Ёлғизбоғ"да бундай нотинч оилалар умуман мавжуд эмас.