18-Hazortut saylov okrugi deputati M.Jumayeva Hazortut mahalla profilaktika inspektori hamda xotin-qizlar faoli bilan birgalikda mahallada istiqomat qiluvchi xotin-qizlar holidan xabar olish, ularni qiynayotgan muammolarni aniqlash va hal etish yuzasidan manzilli o’rganishlar o’tkazdi.
O’rganishlar davomida xotin-qizlarning ijtimoiy ahvoli, bandligi, kasb-hunarga bo’lgan qiziqishi hamda tadbirkorlik faoliyatini yo’lga qo’yish istaklari atroflicha o’rganildi. Ayniqsa, doimiy ish bilan ta’minlanmagan fuqarolarning bandligini ta’minlash, ularni kasb-hunar o’quv kurslariga jalb qilish va o’zini o’zi band qilish imkoniyatlaridan samarali foydalanish bo’yicha amaliy tavsiyalar berildi.
Shuningdek, har bir fuqaro bilan alohida suhbatlar o’tkazilib, ularni tashvishga solayotgan ijtimoiy, iqtisodiy va oilaviy muammolar tinglandi. Murojaatlar yuzasidan zarur tushuntirishlar berilib, ayrim masalalarni joyida hal etish choralari ko’rildi. Qo’shimcha o’rganish talab etiladigan muammolar esa tegishli mutasaddi tashkilotlar bilan hamkorlikda ijobiy hal etish uchun nazoratga olindi.
Bundan tashqari, tomorqa yer maydonlaridan unumli foydalanish, issiqxona tashkil etish, tikuvchilik, hunarmandchilik va chorvachilik faoliyati bilan shug’ullanish orqali oila daromadini oshirish imkoniyatlari muhokama qilindi. Aniqlangan muammolarni hal etish bo’yicha tegishli taklif va tavsiyalar ishlab chiqildi.
Mazkur manzilli o’rganishlar va ochiq muloqotlar xotin-qizlarni qo’llab-quvvatlash, ularning bandligini ta’minlash hamda hayot sifati va turmush farovonligini yanada oshirishga xizmat qilmoqda.