Sessiyada shahar hokimining shahar iqtisodiyot va moliya bo'limi boshlig'ining birinchi o'rinbosari J.Ashurovning mazkur yo‘nalishda amalga oshiriladigan ishlar yuzasidan hisoboti tinglandi va tegishli qaror qabul qilindi.

Tasdiqlangan dasturga muvofiq, Samarqand shahrining turizm va xizmatlar salohiyatini oshirish maqsadida Bog‘dod, Ibn Xoldun, Termiz, Umar Xayyom, Firdavsiy, Ali Qushchi, Sulaymon Buxoriy hamda Mirzo Bedil ko‘chalarida zamonaviy 24/7 faoliyat yurituvchi savdo va xizmat ko‘rsatish hududlari tashkil etiladi.

Dastur doirasida: loyiha ofislari tashkil etiladi;
yangi biznes loyihalar ishlab chiqiladi;

tadbirkorlarga tayyor biznes takliflari taqdim etiladi;

imtiyozli kreditlar ajratish mexanizmlari yo‘lga qo‘yiladi;
yangi ish o‘rinlari yaratiladi;

turizm va xizmatlar sohasi infratuzilmasi rivojlantiriladi.
Ma’lumotlarga ko‘ra, umumiy qiymati 33 milliard so‘mlik loyihalar amalga oshirilishi natijasida 60 ta yangi tadbirkorlik subyekti faoliyati yo‘lga qo‘yilib, 440 nafar fuqaroning bandligi ta’minlanadi.

Sessiya yakunida mas’ul tashkilotlarga loyihalarni o‘z vaqtida va sifatli amalga oshirish, aholi bandligini oshirish, yangi “o‘sish nuqtalari”ni yaratish hamda tadbirkorlikni rivojlantirish bo‘yicha aniq vazifalar belgilab berildi.