Sessiyada Samarqand shahar maktabgacha va maktab ta’limi bo‘limi boshlig‘i Z.Nuriddinovning hisoboti tinglanib, tizimda shaffoflikni ta’minlash, korrupsiyaviy xavf-xatarlarni kamaytirish hamda yoshlar orasida halollik va qonunga hurmat ruhini mustahkamlash bo‘yicha amalga oshirilayotgan ishlar yuzasidan axborot berildi.

Ta’kidlanganidek, bugungi kunda Samarqand shahridagi 84 ta umumta’lim maktabida 109 ming nafardan ortiq o‘quvchi hamda 355 ta maktabgacha ta’lim tashkilotida 33 ming nafardan ortiq tarbiyalanuvchi ta’lim-tarbiya olmoqda. Tizimda “Korrupsiyasiz soha” loyihasi doirasida qator profilaktik va targ‘ibot tadbirlari amalga oshirilmoqda.

Xususan:

• minglab o‘quvchi va tarbiyalanuvchilar korrupsiyaga qarshi kurashish bo‘yicha maxsus ta’lim dasturlariga qamrab olindi;

• “Halollik”, “Korrupsiyaga murosasizlik” mavzularida ma’naviy-ma’rifiy tadbirlar tashkil etildi;

• o‘quvchilar o‘rtasida insholar va rasmlar tanlovlari o‘tkazildi;

• pedagoglar va o‘quvchilar ishtirokida anonim so‘rovnomalar tashkil qilindi;

• barcha ta’lim muassasalarida “Ishonch telefonlari” va korrupsiyaga qarshi kurashish burchaklari joylashtirildi.
 

 Sessiya yakunida ta’lim tizimida korrupsiyaning har qanday ko‘rinishlariga qarshi murosasiz muhitni shakllantirish, manfaatlar to‘qnashuvining oldini olish hamda shaffoflik va ochiqlik tamoyillarini yanada kuchaytirish bo‘yicha tegishli qaror qabul qilindi.