Xalq deputatlari Termiz shahar Kengashi raisi D.Normuradova, kotibiyat mudiri A.Ashurov, shahar hokimining o‘rinbosari B.Ergashov hamda kotibiyat bosh mutaxassisi A.Temirovlar temir yo‘l yoqasida joylashgan mahallalarda olib borilayotgan obodonlashtirish ishlari yuzasidan nazorat-tahlil tadbirlarini o‘tkazdilar.

▫️Jarayonda mutasaddi tashkilotlar tomonidan amalga oshirilayotgan tozalash, yashillik zonalarini barpo etish va hududlarni tartibga keltirish ishlari yaqindan ko‘zdan kechirildi.

▫️Shuningdek, o‘rganish davomida amalga oshirilayotgan ijobiy ishlar bilan bir qatorda, ayrim hududlarda tozalik ishlarining yetarli darajada emasligi, begona o‘tlarni tozalash va daraxtlarni butash ishlaridagi sustkashliklar kabi ayrim kamchiliklar aniqlandi.

▫️Aniqlangan kamchiliklarni qisqa muddatlarda bartaraf etish, temir yo‘l yoqasidagi mahallalarning estetik ko‘rinishini yaxshilash hamda hududlarda sanitariya osoyishtaligini ta’minlash yuzasidan tegishli tashkilot rahbarlariga aniq ko‘rsatmalar berilishi belgilanib olindi.

Maqsadimiz — Termiz shahrining har bir go‘shasini, ayniqsa, temir yo‘l bo‘yidagi hududlarni ham toza va obod maskanga aylantirishdir!