Xalq deputatlari Qo‘qon shahar Kengashi deputati E.Sadiqova tomonidan o'zi saylov okrugi hududiga qarashli “Oltin vodiy” mahalla fuqarolar yig‘inida fuqarolar bilan uchrashuv o‘tkazildi.

Uchrashuv davomida mahalla yettiligi hamda xotin-qizlar maslahatchisi ishtirokida mahalladagi mavjud muammolar, aholini qiynab kelayotgan masalalar va ularning amaliy yechimlari yuzasidan atroflicha fikr almashildi.

Xususan, mahallada har oy tashkil etilayotgan “Muammo va yechim” ochiq qabul kunlari samaradorligi, aholi murojaatlarini tizimli o‘rganish hamda ularni hal etish bo‘yicha olib borilayotgan ishlar muhokama qilindi.

Shuningdek, xotin-qizlar maslahatchisi bilan suhbat o‘tkazilib, xotin-qizlarni qo‘llab-quvvatlash, ularning muammolarini aniqlash va bartaraf etish yuzasidan amalga oshirilayotgan ishlar tahlil qilindi.

Uchrashuv davomida yoshlarni kasb-hunarga yo‘naltirish, ularning taklif va tashabbuslarini qo‘llab-quvvatlash, ijtimoiy faolligini oshirish hamda amaliy yordam ko‘rsatish masalalariga ham alohida e’tibor qaratildi.

Uchrashuv yakunida ko‘tarilgan masalalar deputat tomonidan shaxsiy nazoratga olinib, ularni hal etish yuzasidan aniq muddatlar va mas’ullar belgilandi.

Xalq deputatlari Qo‘qon shahar Kengashi