Xalq deputatlari Qo‘qon shahar Kengashi kotibiyati mudiri A.Nosirov mahalla hokim yordamchisi tomonidan hududda amalga oshirilayotgan mikroloyihalar faoliyati o‘rganildi.

O‘rganish jarayonida mahalla hududida tashkil etilgan “CareDent” bolalar stomatologiya klinikasi faoliyati bilan yaqindan tanishildi.

Klinikada bolalar uchun yaratilgan zamonaviy sharoitlar, tibbiy xizmatlar sifati hamda foydalanishga topshirilgan tibbiy uskunalar ko‘zdan kechirildi.

Muassasada yosh bemorlarga sifatli va qulay tibbiy xizmat ko‘rsatish, ularning salomatligini mustahkamlash hamda stomatologik xizmatlardan foydalanish imkoniyatlarini kengaytirish maqsadida yaratilgan shart-sharoitlar alohida e’tirof etildi.

Suhbat davomida mikroloyiha tashabbuskorlari bilan amalga oshirilayotgan ishlar, kelgusidagi rivojlantirish rejalari hamda aholiga ko‘rsatilayotgan xizmatlar sifati yuzasidan fikr almashildi.

Ta’kidlanganidek, bunday mikroloyihalar nafaqat aholini zarur xizmatlar bilan ta’minlash, balki yangi ish o‘rinlari yaratish, tadbirkorlikni qo‘llab-quvvatlash va mahallalar iqtisodiy salohiyatini oshirishda ham muhim ahamiyat kasb etadi.

O‘rganish yakunida hududda aholi uchun qulay va zamonaviy xizmatlar ko‘rsatishga qaratilgan loyihalarni qo‘llab-quvvatlash va ularning faoliyatini yanada rivojlantirish yuzasidan tegishli tavsiyalar berildi.

Xalq deputatlari Qo‘qon shahar Kengashi