Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich hamda Qoraqalpog‘iston Respublikasi Jo‘qorg‘i Kengesi deputati Djumamuratova Mukarrama Saliyevna ekspert guruhi a’zolari bilan birgalikda hududda amalga oshirilayotgan investitsiya loyihalari holatini o‘rgandi.

📍 O‘rganish davomida “Markaziy” MFY hududida “Tazabay stroy” MChJ tomonidan amalga oshirilayotgan “Savdo va ko‘ngilochar maskan tashkil etish” loyihasi bilan tanishildi.
🔹 Loyiha doirasida 13 milliard so‘m investitsiya kiritilishi;
🔹 100 ta yangi ish o‘rni yaratilishi;
🔹 qurilish ishlarining belgilangan reja asosida olib borilishi qayd etildi.

🔍 O‘rganish natijasida loyiha ijrosi belgilangan tartibda davom etayotgani, investitsiya majburiyatlarini bajarish bo‘yicha amaliy ishlar olib borilayotgani hamda qurilish jarayoniga salbiy ta’sir ko‘rsatuvchi muammolar mavjud emasligi aniqlandi.

📌 Investitsiya loyihalarining samarali amalga oshirilishi hudud iqtisodiyoti rivoji va yangi ish o‘rinlari yaratilishiga xizmat qilmoqda.