ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Ашуров Алишер Иномович томонидан аҳолининг томорқадан унумли фойдаланиши ва даромадларини ошириш бўйича амалга оширилаётган ишлар ўрганилди.
Депутат ўз сайлов округидаги маҳаллаларда бўлиб, фуқароларнинг томорқа ерларидан самарали фойдаланиш ҳолати билан танишди ҳамда аҳолига қишлоқ хўжалиги маҳсулотларини етиштириш бўйича амалий тавсиялар берди.
Жумладан, фуқароларга сифатли ва серҳосил картошка етиштириш, уруғ танлаш, ерни тайёрлаш, суғориш ва парвариш ишларини тўғри ташкил этиш юзасидан тушунтиришлар берилди. Шунингдек, томорқадан самарали фойдаланиш орқали оилалар даромадини ошириш муҳим эканлиги таъкидланди.
Учрашув давомида аҳоли томонидан билдирилган таклиф ва муаммолар ҳам ўрганилиб, уларни ҳал этиш бўйича тегишли чоралар кўриш белгиланди.