Muhokamalar davomida yoshlarning bo‘sh vaqtini mazmunli tashkil etish, ularni sport, madaniyat, san’at, kitobxonlik, axborot texnologiyalari, sun’iy intellekt, tadbirkorlik va kasb-hunar yo‘nalishlariga keng jalb etish, shuningdek uyushmagan yoshlar bilan manzilli ishlash masalalariga alohida e’tibor qaratildi.

Doimiy komissiya tomonidan hisobot ma’lumot uchun qabul qilinib, mazkur masalani xalq deputatlari Bog‘ot tumani Kengashining navbatdagi sessiyasi muhokamasiga kiritish yuzasidan tegishli qaror qabul qilindi.

“Dolzarb 90 kun” dasturi doirasida tumandagi 43 ta mahalla, 52 ta maktab, “Kelajak markazi” hamda madaniyat va sport muassasalarida yoshlarning bandligini ta’minlash, iste’dod va qobiliyatlarini ro‘yobga chiqarish hamda bo‘sh vaqtini mazmunli tashkil etish bo‘yicha keng ko‘lamli tadbirlar amalga oshiriladi.

Yoshlar – Yangi O‘zbekiston bunyodkorlari!