#Kotibiyat_mudiri_faoliyati

CHOSHTEPA MAHALLASI BINOSI QURILISH ISHLARI KO‘ZDAN KECHIRILDI

Xalq deputatlari Payariq tuman Kengashi kotibiyati mudiri J. Axunov tomonidan Choshtepa mahallasida barpo etilayotgan mahalla binosi qurilish ishlari ko‘zdan kechirildi.

Tashrif davomida obyektning bugungi holati, amalga oshirilayotgan qurilish-montaj ishlari hamda qurilish jarayonlarining borishi bilan tanishildi.

Shuningdek, mahalla binosini zamonaviy talablar asosida barpo etish, ishlar sifatini ta’minlash va belgilangan muddatlarda yakunlash masalalari yuzasidan mas’ullar bilan fikr almashildi.

Mazkur obyekt foydalanishga topshirilgach, mahalla fuqarolar yig‘ini faoliyatini samarali tashkil etish hamda aholiga ko‘rsatiladigan xizmatlar sifatini yanada oshirishga xizmat qiladi.

Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|