O‘rganish davomida oziq-ovqat va kundalik iste’mol mahsulotlarining narx-navosi, mahsulotlar sifati, saqlash sharoitlari hamda sanitariya-gigiyena talablariga rioya etilishi holati ko‘zdan kechirildi.

Deputat savdo shoxobchalaridagi mavjud sharoitlar bilan tanishib, aholini sifatli va xavfsiz mahsulotlar bilan ta’minlash masalalariga alohida e’tibor qaratdi.

Shuningdek, tadbirkorlar, sotuvchilar va xaridorlar bilan muloqot o‘tkazilib, xizmat ko‘rsatish sifati, mavjud muammolar va takliflar yuzasidan fikr almashildi.

Uchrashuv davomida fuqarolar tomonidan bildirilgan murojaatlar tinglanib, ularning savollariga huquqiy tushuntirishlar berildi hamda aniqlangan kamchiliklarni bartaraf etish bo‘yicha tavsiyalar bildirildi.

Aholiga sifatli xizmat ko‘rsatish, iste’molchilar huquqlarini himoya qilish va narxlar barqarorligini ta’minlash masalalari deputatlik nazoratida bo‘lib qolmoqda.